कृषि उत्पन्न बाजार समिती, संगमनेर

संगमनेर कृषि उत्पन्न बाजार समितीच्या स्थापना दि.19-11-1959 रोजी झाली असून तिचे प्रत्यक्ष कामकाज दि.1-9-1962 पासून सुरु झाले.दि.17/8/1988 पुर्वी बाजार समितीचे कायक्षेत्र संगमनेर व अकोले असे दोन तालुक्याचे होते. त्यावर शासनाने संगमनेर बाजार समितीचे विभाजन करुन संगमनेर व अकोले या दोन तालुक्यासाठी दोन स्वतंत्र बाजार समित्या स्थापन केल्या, त्यामुळे आता संगमनेर बाजार समितीचे कार्यक्षेत्र हे संगमनेर तालुका येवढेच आहे. दि.29-04-2023 रोजी बाजार समितीची सार्वत्रिक निवडणूक झाली. त्यामुळे लोकनियुक्त संचालक मंडळ अधिकारावर आले. दि.12-05-2023 रोजी सभापती आणि उपसभापती यांची निवडणुक घेण्यात आली.सभापती म्हणून श्री.शंकरराव हनमंता खेमनर व उपसभापती म्हणून श्री.गिताराम दशरथ गायकवाड यांची निवड झाली. सध्या बाजार समितीचे सचिव मा.श्री.सतिष माधवराव गुंजाळ हे कामकाज पहात आहे.